Nongkrong Bareng Sesama 'Cina' Ngomongin Tentang Cina

Cina Begini, Cina Begitu, HAAHH? (Source)

Sebagai salah satu cewe yang masih ada darah Cina, gue pun kadang begitu ngenes kalo liat sodara-sodara gue di negara Cina dicap kagak baek oleh netizen. Ya jorok, lah. Ya kagak punye empati, lah. Ya licik, lah. Dan laen-laen.

Bener kagak sih orang-orang di Cina sono emang sesuai dengan penilaian netizen Indonesia? Nah, kebetulan seminggu lalu gue ketemu langsung dengan salah satu temen blogger dari jaman jebot, yakni Koh Keven Keppi, blogger asal Bandung yang punye http://www.emotionalflutter.com. Doi udeh beberape tahun tinggal di Cina, entah ntu untuk kuliah lagi atau ngajar Bahasa Indonesia untuk mahasiswa/i di salah satu universitas di Cina. W O W, tentu momen ini harus dimanfaatkan sebaek-baeknye untuk tanya-jawab tentang Cina. Kuy lanjut bace yesss!

1. ORANG CINA ITU JOROK?

Pas gue ke Korea Selatan dan Jepang, gue selalu menemukan turis asal Cina yang jorok banget saat memakai toilet. Jadi, toilet yang harusnye kering jadi basah kalo abis dipake orang Cina, iewwwh banget deh. That's why gue pun secara kagak langsung jadi mikir kalo orang Cina ntu jorok. Namun, kagak ada salahnye sih untuk gue bertanya kepada Koh Keven, apakah bener kebanyakan orang Cina ntu jorok?

"Nggak kok, orang Cina nggak jorok. Biasanya yang jorok-jorok itu mah palingan turis Cina yang OKB alias Orang Kaya Baru. Biasanya itu kelakuan orang tua yang di Cina tinggal di pelosok mana tapi anak-anaknya ada di kota besar, yang tiap punya rejeki selalu kasi duit ke orang tua mereka untuk traveling ke luar negeri.

Nah, namanya juga orang baru punya duit dan bisa ke luar negeri ya, makanya mereka begitu, seenaknya aja. Maklumi aja sih, karena orang-orang itu dari pelosok entah berantah yang mungkin di sana gak ada WC sama sekali, jadi kalo mau boker ya tinggal jongkok di lobang. 

Trus tau gak, kalo bokernya di lobang, ya itu eeknya gak disiram, jadi bakal jatuh sendiri. Dan jatuhnya tuh ke sebuah tempat penampungan eek, yang nantinya akan dibuat pupuk. Pokoknya maklumin aja kalo ada orang Cina kayak begitu, even mereka sendiri gak bisa boker atau pipis di WC duduk atau WC yang ada flushnya, karena mereka gak mengenal apa itu flush di kampung sana..."

REALLY? OMG!

So yeah, mungkin saatnye gue kagak ngejudge orang Cina yang jorok, mulai dari sekarang.

2. ORANG CINA KAGAK PUNYE EMPATI?

Gue pernah beberape kali nemuin video berisi orang yang ketabrak mobil terus cuma diliatin atau dicuekin oleh orang Cina yang lewat lalu lalang. Kagak ada satu pun yang menolong. REALLY? Kalo kejadiannye di Indonesia kan, si korban langsung buru-buru ditolong (walau sebagian lagi cuman bisa nontonin dan bikin jalanan macet). 

Usut punye usut, ternyate di Cina ntu, kalo ada yang ketabrak, mereka biasanye langsung nelponin pihak kepolisian. Mereka minta polisi yang langsung bertindak. Karena di Cina tuh marak banget orang yang pura-pura ketabrak terus yang nolongin malah dirampok. Atau orang yang beneran ketabrak tapi yang disalahin malah yang nolongin. Huhuhu. 

Ini baru pertama. Yang kedua, kalo pun beneran orang Cina kagak punye empati, namun pemerintah Cina sangat anti loh sama senjata nuklir yang dibuat sama Korea Utara. Sampe Korut nyinyir kurang lebih ngomong kayak gini: "Iiih, kite kan sodaraan, kenape sih lo ngusik gue? Kenape kagak dukung gue?"

Padahal pemerintah Cina tau bahwa senjata nuklir itu berbahaya banget karena dampaknye bisa kemane-mane. "Ini soal kemanusiaan, mameeeen!" begitu kata pemerintah Cina, kalo diterjemahkan menjadi bahasa gaul. 

Cina juge mengutuk keras dengan adanye radar dan sistem pertahanan rudal Amerika Serikat yang ditaro di Korea Selatan. Alesan Korsel dan Amrik sih, biar si Korea Utara kagak macem-macem. Namun tetep aje Cina kagak setuju, karena hal tersebut membuat dampak yang juge berbahaya untuk negara-negara sekitar, termasuk Indonesia. 

Gegara Korsel ngelakuin ntu, konon Cina memboikot seluruh produk Korsel yang masuk ke Cina. Bahkan masyarakat Cina yang mau traveling ke Korsel sangat dibatesin. Dampaknye, Korsel agak merugi gede pada pendapatan wisatanye, karena kebanyakan yang berwisata memang masih kebanyakan dari Cina.

3. CINA ANTI BARAT?

Kalo ntu udeh pasti, sampe semua socmed, browser, e-commerce dan hal-hal yang berbau barat kagak kepake di sono. Pemerintah Cina emang udeh ngeblokir ntu semua, tapi salutnye mereka udeh punye alternatifnye, buatan dalem negeri mereka, misalnye WeChat sebagai socmed, Baidu untuk search engine, dan Alibaba sebagai e-commerce.

Kalo Indonesia ngeblokir socmed yang ada, apakah udeh ada alternatifnye yang kagak kalah keren?

Namun, kite masih bisa menemukan beberape brand barat di sono. Walau namanye diubah, semisal:

麦当劳 (Màidāngláo) — McDonald’s

精工 (Jīnggōng) — Seiko (WADUH KUNING DONG HA HA HA)

可口可乐 (Kěkǒukělè) — Coca-Cola

 路易威登 (Lùyì Wēidēng) — Louis Vuitton

Jadi, kalo kalian ke Cina dan nanye orang lokal sono, macem "Mang, Mekdi dimane yak?" Nah, ntu kata Mekdi kalian ganti jadi Màidāngláo :))

"Emang orang Cina bisa diajak ngomong? Kalo kite nanye pake bahasa Inggris kan, mereka kagak bisa bahasa Inggris?"

Menurut Koh Keven, orang Cina akan berbaek hati kok untuk menolong, bahkan bisa aje kalian dianterin. Kalo bingung, bisa buka browser terus kasi liat simbol tempat yang mau dikunjungi (misal simbol Mekdi) atau kalian bisa pake translator lalu tunjukin ke mereka. Untuk komunikasi bisa pake translator di hape.

4. ANAK MUDA DI CINA PALING NGERASA GAUL KALO APE SIH?

Tau sendiri dong kalo di Instagram tuh selebgram banyak banget yang merasa gaul dan bangga kalo bisa clubbing dan minum alkohol tiap hari. Nah, gue pun mencoba nanye ame si Koh Keven, apakah di Cina kebanyakan kayak gitu juge?

Jawabannye, kagak banyak yang ngerasa kayak gitu. Ketimbang clubbing, mereka lebih suka karaoke-an atau makan di pinggiran (kalo di sini macem angkringan gitu lah). Kalo mabok-mabokan, biasanye dilakuin ame orang Cina yang mau kerjasama bisnis (ya, kalo ini sih di Indonesia banyak ye, biar menang tender, calon klien diajak mabok dan dikasi cewe, huffftt). Kalo soal minuman alkohol sih, ya kebanyakan orang Cina minum itu kayak minum es teh aje, karena minuman beralkohol sangatlah murah. Jadi, kagak ada tuh yang namanye minum alkohol bikin berasa gaul. 

Bahkan, di saat banyak abege Jakarta atau kota besar di Indonesia lain, yang bangga bisa makan di kafe dan resto mahal, orang Cina tetep lebih suka makan di pinggiran. Kalo kalian punye pacar orang Cina asli, disarankan ngajak makannye kagak usah ke restoran barat yang jual pizza or fried chicken karena mereka biasa aje, mending makan angkringan di pinggir laut, makan seafood sambil ngebir cantik. 

Nah, di Indonesia ini kan banyak banget ye abege yang cita-citanye pengen jadi SELEBGRAM, biar bisa diendorse gitu sis wqwq. Kalo di Cina, profesi selebgram pun ada, bahkan food blogger dijadiin profesi juge kok. Namun, gokilnye nih, tiap selebgram dan blogger kudu daftarin diri ke suatu website milik pemerintah, mungkin biar pemerintah Cina bisa narik pajak kali ye. Hehehe.

5. BANYAK MAKANAN PALSU DI CINA?

Mungkin ada aje sih, namun kagak banyak kok sebenernye. Macem Indonesia aje, banyak makanan berbahaya pake borax atau daging tikus, tapi sebenernye kagak semua pedagang kayak gitu kan. Well, soal makanan, pemerintah Cina sangat memperhatikan banget, even pedagang kaki lima pun harus daftarin dagangannye ke BPPOM sono, dan nanti di gerobak mereka akan ada stiker berisi tingkat rankingnye, yakni rank A, B, dan C. Kalo kalian makan di PKL sono dan kagak ngeliat stikernye, disarankan mending dihindari dan cari makanan gerobakan laen.

Dan tau kagak sih, bahkan indomie yang diimpor dari Indonesia pun, kalo di Cina tuh mie kagak ada rasanye karena mecinnye diilangin. Dan permen kopiko pun hambar! Gileeee.

Gue tuh sering banget liat di Facebook Newsfeed berisi video makanan palsu dari Cina, yang jika ditelusuri ternyate ntu makanan dibuat sebagai hiasan restoran aje -___- huhu, please yeee buat kalian jangan share video begituan. Bahkan ada juge video berisi produksi beras plastik yang konon ada di Cina dan diekspor ke Indonesia. Padahal sebenernye ntu video pembuatan bijih plastik, bukan beras.

---

Kalo ngomongin tentang Cina sih kagak ada abisnye, bahkan saking terkesima denger ceritenye si Koh Keven, gue sampe lupa nyatet dan tulisan ini dibikin sesuai dengan ingatan yang masih terbenak aje nih wqwq.

Well, terima kasih buat Koh Keven yang udeh ngajakin gue nongkrong semaleman. Ceritanye bener-bener ajaib banget hahahaa. Tunggu gue ye Koh di Cina :D

Semoga tulisan ini bisa membuka mata dan hati kalian yak :))

selpi dulu sebelom balik hueeeee