Mengulik Cerita Si Fanatik yang Bikin Menggelitik

Disini ada kagak sih yang jadi penggemar fanatik artis atau apapun?

Sorry, kalo ada.... Kite kagak bisa bertemen. Why? Karena gue kagak suka sama temen yang terlalu fanatik dengan apapun.

Tulisan ini merupakan soal keresahan gue tentang beberapa temen gue yang sekarang udeh kagak asik karena mereka itu.... egois. Iye, bener. Egois. Ngomongin satu hal tertentu mulu (baca : soal idola or something yang kagak penting bagi nusa dan bangsa) tanpa mikir, “Temen-temen gue yang laen ngerasa risih kagak ye kalo gue ngomongin ini mulu?” 

Kalo lagi liat timeline Twitter dan ada para fanatik, udeh tuh timeline isinye soal artis yang mereka suka. Dan kalo gue cek semua twit mereka ye, buset dari atas sampe bawah isinye itu-itu doang! Lalu muncul pertanyaan di benak gue : “Ini temen-temennye ngerasa risih kagak sih liat timeline yang kagak asik dari si fanatik ini?”

Gue sih bakal risih banget kalo ada temen gue yang setiap kali ngomongin artis korea mane, lah, artis Indonesia mane juga, lah,  dan laen-laen. Cuy, kesian bener hidup lo cuman sebatas gitu-gitu doang. Kagak ada materi laen apeeeee yang bisa di-share ke temen-temen? 

NGAPAIN SIH LO, NGATUR AKUN ORANG! AKUN-AKUN GUE, SUKA-SUKA GUE!

NIKMATIN AJE TIMELINE TWITTER GUE, KALO GAK SUKA, UNFOLLOW!

LO KAN GAK NGEBAYAR GUE BUAT NGETWIT, NGAPAIN LO NGATUR-NGATUR GUE?

Tuh, kan egois. Kagak kesian ape ye sama temen-temennye yang risih dan bosen? Pokonye buat mereka atau kalian, para penggemar fanatik, kalo di mute forever atau diunfollow sama temen, jangan marah ye. Musti siap mental kalo mau jadi penggemar fanatik.

Ngomong-ngomong soal penggemar fanatik, ada beberapa kisah menggelitik yang akan gue ceritain.

Pertama, soal salah satu fanbase boyband ternama di dunia. Jadi di Indonesia ini ada juga fanbase tuh boyband, sebut aje boyband Mawar, bukan nama sebenernye (halah!).  Si Mawar ini punya banyak banget penggemar fanatik, salah satunye temen gue, sebut aje Ica.

Timeline Twitter Ica tiap hari pastiiiii berisi soal Mawar, bahkan hingga si Mawar udeh bubar! 

Di umurnye yang udeh menginjak 22 tahun, Ica belom pernah pacaran. Sebenernye bukan karena Ica kagak laku. Ada beberapa cowo yang pernah deket sama Ica bahkan sempet ada seorang cowo yang bertahun-tahun menunggu balesan cinta Ica. Tapi tetep, Ica menolak. Karena Ica berprinsip, kalo Ica musti memacari atau memiliki suami yang setampan para personel boyband Mawar.

Duhile, gaya bener, ye!

Gue sih cuman bisa ngakak liat kelakuan Ica. Padahal, mukanye kagak cakep. Penampilan dalam berbusananye aje, culun abis. Padahal dia anak orang mampu, loh! Seharusnye bisa lah berpenampilan lebih baek daripada gue. Ica juga di dalem bidang akademik sangat kece. Waktu SMA aje ye, doi pernah jadi siswi teladan! Tapi kenape kelakuannye kagak menunjukkan kalo dia cerdas dan dewasa, ye?

Temen satu fanbasenye si Ica, sebut aje Ita, pun sama. Bahkan Ita udeh berusia 35 tahun, loh. Belom menikah. Alasannye : “Gue cuman mau nikah sama salah 1 personel Mawar!!!”

GUBRAAAAK! Seketika bumi gonjang-ganjing! 

Ketika boyband grup Mawar bubar, fanbase Mawar di negara kite tercinte ini melakukan ritual karaoke bareng sambil nangis-nangis. Oke, ini masih gue maklumi lah. Tapi yang malesin adalah, saat dua personel Mawar yang maho itu putus, eh mereka juga ngelakuin ritual nangis bareng di salah 1 cafe! Lah, bukannye sukuran si maho putus. Sape tau kan personel yang maho itu mau kembali ke jalan yang bener.

Huhuhuhu kenape musti putus sih, kan kesian kagak ada temen buat maen pedang-pedangan :'(((

Kedua, ada banyak banget temen gue yang fanatik sama artis tapi sampe ngerugiin banyak temennye. Soalnye si fanatik itu selalu beli pernak-pernik dan ke konser si idola pake duit temennye, alias NGUTANG. Dan sampe bertaon-taon, tuh utang kagak dibayar. Pura-pura lupa atau sengaja dilupain, ye? Auk, deh.

Gak kalah ngenes, ada salah 1 blogger yang pernah bikin kuis ini itu. Hadiahnye lumayan, ada duit 100 ribu, sepatu, buku, dll. Tapi sayang, semua hadiahnye sampe setengah taon berlalu kagak pernah nyampe ke pemenang. Pas gue tau soal ini, tentu aje kaget. Gile, tuh orang maksudnye ape bikin kuis tapi hadiahnye cuman HARAPAN? Padahal setau gue, dia itu rajin banget kasi ini itu ke idolanye. Eh giliran ngasi hadiah ke peserta kuis (yang juga temennye), kagak dikasi-kasi, walau udeh gue tegor dan sindir-sindirin. Tentu aje gara-gara hal ini, banyak blogger laen yang udeh kagak respek ke blogger PHP itu. Ya cukstaw aje, sih kalo dia lebih peduli sama IDOLANYE daripada TEMEN-TEMENNYE yang udeh di-PHP-in sama tuh kuis kampret! 

Padahal menurut gue, temen itu lebih penting daripada IDOLA. Lagian kalo IDOLAnye udeh kagak LAKU juga palingan dilupain, tuh.

Gue sih heran sama penggemar yang demen banget kasi hadiah ke idolanye. Apelagi kalo hadiahnye dibeli pake DUIT TEMEN atau hasil RENGEKAN KE ORANGTUA! Iewwwwh, males banget!

kasi biaya oplas aje gimane?

Gue punya temen, dia ini mantannye salah satu personel band ternama. Dan waktu mereka masih berhubungan, si personel itu, sebut aje Bokir, sering banget ngasi hadiah ke pembantu, sodara, dan temen-temen non artis. Hadiah yang dikasi pun sebenernye berasal dari pemberian penggemar doi. Temen gue pernah menegur Si Bokir, “Kok kamu kagak menghargai pemberian dari fans, sih?” Eh si Bokir malah bilang, “Di rumah udeh kepenuhan barang pemberian. Lagian banyak yang kagak aku suka. Jadi mendingan aku kasi aje ke orang laen.” Bahkan pernah ada salah 1 penggemarnye yang ngasi bingkai foto lengkap dengan foto waktu berdua dengan si Bokir. Eh sama si Bokir malah diganti fotonye sama foto doi waktu lagi berdua sama temen gue. Hahaha, ngenes!

Masih mending hadiah dari penggemar dikasi ke orang laen, bahkan kagak jarang loooh ada artis yang langsung membuang hadiahnye! Kagak tanggung-tanggung, bahkan dibuang di depan mata si penggemar! *banyak kejadian nih, sebagian ada yang tetep ngepens, sebagian ada yang jadi haters*

Dan mungkin banyak yang kagak tau, kalo ada artis luar negeri manggung dimari, mereka tuh kagak pernah ngebawain segudang hadiah dari para penggemarnye ke negara asal!  Ngapain juga bawa-bawa banyak barang, rempong, nek. Jadinye, tuh hadiah ujung-ujungnye dikasi ke kru promotor.

Ya palingan si artis itu cuman ngambil hadiah yang menurut doi penting, kayak sertifikat rumah, mobil, dan berlian. Ya kalo itu sih, gue juga kagak nolak. 

Ketiga, salah satu penyiar radio ternama pernah cerita sama gue (sebut aje Wati). Pernah ada salah 1 penggemar boyband Korea yang mencoba nyogok Wati. Si penggemar meminta tangga lagu acara yang berbau Korea itu diubah. Pokonye boyband yang dia suka musti berada di peringkat teratas gitu, deh.

Si Wati yang udeh disogok pake berbagai makanan mahal, bersikukuh bilang, “Maap, dek. Tangga lagu itu otomatis dan bukan gue yang ngurusin.”

Mamam deh, tuh! 

Keempat, ada salah 1 band Indonesia zaman dulu yang salah satu anggotanye dipelet sama penggemarnye sendiri. Untungnye langsung ketauan sama Ki Joko Bodo, lalu disembuhin. Untuk sembuhnye pun memerlukan waktu cukup lama dan ribet, sampe musti berendem di laut selatan. Cape, deh!

Gara-gara banyak penggemar fanatik yang suka memelet artis, mulai sekarang banyak banget artis yang kagak mau sembarangan makan atau minum, bahkan kagak jarang mereka sampe pake jimat atau ajian anti tolak bala. Cape, deh! (Sssst, percaya atau kagak, banyak loh artis Indonesia yang suka maen dukun).

Dan kelima, banyak loh penggemar fanatik yang rela ditidurin idolanye. Ups! Serem banget, ye!

Anyway, tulisan ini merupakan unek-unek dan paparan apa yang pernah gue denger dan bahkan ngeliat dengan mata kepala sendiri. Serem? Tentu! Gila, ye! Itu idolanye udeh kayak Tuhan aje.

bener banget!!!

Dan inget, IDOLA itu artinye BERHALA, looooh. Cek tulisan gue disini.

Menurut gue sih, yaudeh lah itu hak kalian buat menyukai seseorang. Tapi plis, kagak usah berlebihan. Nanti jatohnye kayak alay dan berprikebadian hedon, karena apa-apa musti ngasi ke idola. Emang idola udeh ngasi apa sih? Ngasi makan? Ngasi duit bakal sekolah dan kuliah? Kagak, kan? Yaudah sih, tinggal dihargai aje karyanye. Beli kaset aslinye kek, tonton pertunjukkan filmnye kek, cukup kayak gitu. Kagak usah berlebihan sampe evertytime musti dikasi something (sesekali boleh tapi jangan EVERYTIME dan MUAHAL), bahkan sampe nyusahin diri sendiri dan orang laen. Preeet !!! 

BETUUUULLLLLLLLLL!!!

Satu lagi. Gue juga ngepens sama beberapa artis bahkan hingga megang akun fanbasenye. TAPI, GUE MASIH TAU DIRI. Gue kagak mau temen-temen risih ngeliat timeline Twitter gue melulu berisi tentang artis A, B,  Z, dll. Gue pun kagak pernah ngasi ini-itu ke semua artis yang gue suka. Kalo pun ngasi, paling pas doi ultah dan kagak mahal-mahal plus kagak maksa, alias kagak ngasi hadiah saat gue bener-bener bokek. Daripada gue ngutang temen atau ngerengek ortu demi idola? Harga diri jatooooooh!

Oke deh, sampe disini dulu tulisan gue kali ini. Tulisan ini bukan bermaksud untuk menyinggung sapepun. Cuman pengen ngasi tau aje soal keberingasan penggemar fanatik di sekitar gue. Mudah-mudahan sih mereka SADAR. 

Punya cerita soal fanatik yang menggelitik? Silakan cerita di kotak komentar.

Thx for reading. Minum cendol pake kecap. Sekian dan terimakasih. 

Sumber Gambar :

http://www.tribunnews.com/2013/01/29/inilah-rencana-nekat-edi-brokoli-untuk-berburu-tanda-tangan-pemain-arsenal
http://www.kapanlagi.com/foto/berita-foto/indonesia/21464andika_ex_kangen_band-20120701-008-hendra.html
http://www.hidupkatolik.com/2012/10/01/kesungguhan-tekad-renungan-rabu-3-oktober-2012
http://percepatanjodoh.blogspot.com/2012/06/jomblo-aneh.html
http://forums.allkpop.com/threads/cant-stop-crying-d.151733/
http://maryam-qonita.blogspot.com/2010/10/mari-kita-berhenti-mengidolakan-artis.html