Potret Mahasiswa-Mahasiswi yang Musti PUNAH

Udeh empat tahun gue jadi seorang mahasiswi, udeh empat tahun pula gue menjalani suka dan duka pada kehidupan kampus. Enak kagak enak, yaudeh lah biarkan ini semua menjadi cerita buat anak cucu gue nanti....

#tsaaah

Mati aje laaaaaaaah

Anyway, kalian punya temen yang “APA BANGET” kagak sih? APA BANGET yang gue maksud itu, ya pokonye malesin aje liatnye gitu. Bukan soal fisiknye, melainkan dari kelakuan temen yang... Iewwwh banget, dah.

Dan disini, gue mau berbagi cerita dan ya... agak curcol, sih. Kagak nape-nape ye kalo gue curcol? Hehehe. 

Pertama, ini cerita soal salah satu mahasiswa ekonomi  yang kampusnye sebelahan sama gue. Dia cowo asal Ambon, sebut aje Jono. Nih orang harusnye tahun ini lulus, tapi berhubung banyak banget mata kuliah yang mengulang, akhirnye tertunda. Itupun yang mengulang kayaknye hampir semua mata kuliah, deh. Dan ngenesnye, setelah mengulang, tuh mata kuliah lagi-lagi mengulang dan terus mengulang. Kagak ada abis-abisnye. Statistik aje dia sampe 5 kali mengulang.

Jono ini sebenernye mungkin kagak bego dalam hal menerima pelajaran. Ya mungkin, cuman MALESnye doang yang udeh terlalu membabi buta. 

Jono , yang jauh-jauh dari Ambon ke Jakarta untuk menimba ilmu (sebenernye), eh malah dimari cuman buat maen-maen. Mabuk-mabukan, pake narkoba, free sex, udeh jadi kebiasaan baru Jono selama di ibukota. Ngenes! Padahal Jono bisa kuliah di univesitas ternama itu secara gratis, karena dibayarin pemerintah daerah tempat Jono dilahirkan. Belom lagi nih..... Jangan kaget ye... Bayangin, sebulan dia dapet duit saku sebanyak 15 juta dan dapet apartemen pula loooh. Plus si bokapnye  juga setiap bulan mengirimkan duit sebanyak 7 juta buat doi. ALAMAK!

koplak -___-

Katakanlah dalam sebulan, Jono bisa mengantongi 22 juta. Padahal doi cuman seorang mahasiswa, loh. Jarang-jarang kan ada mahasiswa sebagus gini rejekinye? Nah, mahasiswa emang kebutuhannye ape, sih? Makan, minum, pulsa, jajan, ngeprint tugas, ah palingan sebulan kagak sampe 3 juta. Sisanye? Wah, kalo gue jadi Jono, bisa gue tabung tuh buat beli tanah di Jakarta. Lumayan banget, misal dalam 4 tahun masa kuliah (48 bulan) Jono bisa menabung cukup 15 juta perbulannye. Ya udeh tuh, lulus kuliah doi udeh bisa bikin usaha sendiri plus rumah lumayan gede dari tabungannye yang bisa mencapai 720 juta. Kagak semua mahasiswa yang baru lulus bisa menerima segitu banyaknye harta, kan? Kalo pun bisa, ya kagak ongkang-ongkang kaki kayak Jono. 

Sayangnye, Jono kagak memanfaatkan waktu, uang dan kesempatan dengan sebaek-baeknye. Duitnye mungkin abis cuman buat maen-maen doang. Tiap pergi dugem aje, doi bisa kebeli wine seharga 2 jutaan lebih. Belom lagi beli obat-obatan, nyewa cewe, abis dah tuh duit segitu banyak. Dan sekarang? Kehidupan kampusnye hancur berantakan, semua mata kuliahnye aje mengulang mulu. Kesenangan yang sia-sia banget. Kesian juga, sih. Hih.

Iye dah...

Tetapi... Gue lebih kesian sama Pemerintah, khususnye Pemerintah Daerah si Jono. Lima belas juta rupiah perbulan, dihabiskan begitu aje buat anak harapan daerah yang kagak tau terimakasih. Padahal disana, masih banyak masyarakatnye yang hidup miskin dan kelaperan. Hiks, itu si Jono kagak inget penderitaan orang-orang di kampungnye ape, ye? Gimane daerahnye mau maju, kalo yang diharepin kayak begini. Cuiih abis.

*pengen nangis* 

Kedua, ini yang terjadi pada kehidupan kampus gue. Gue ini kuliah di kampus yang menurut gue sih banyak orang tajirnye. Rata-rata bermobil, sampe parkiran kampus penuh dan anak kampus gue markir mobilnye di kampus tetangga. Yang bikin kaget, pernah ada satu anak kedokteran bawa mobil Jaguar ke kampus. Buset dah, nganga abis gue.

Gue bisa ngampus disono juga udeh Alhamdulillah banget, padahal tadinye kagak percaya bokap gue mampu naro anaknye disono, ya secara kampusnye mahal gela bo. Bokap gue cuman PNS, jadi palingan cuman mampu kuliahin sama kasi duit bulanan doang. Urusan gue mau ganti hape, hedon ke mall, atau apapun, bokap gue nyerah. Ya untungnye gue tau diri, suka nyari duit sendiri gitu buat memenuhi apa yang gue mau. 

Tiap kuliah, ya kagak macem-macem dah gue. Bolos kuliah, ya palingan sesekali, itu pun pas bolos gue pulang ke rumah buat bobo siang. Tugas, gue selalu rajin ngumpulin dan dikerjain secara maksimal. Untuk urusan tugas, gue paling IEWH BANGET dapet tugas kelompok. Nah, entah kenape ye, di fakultas dan angkatan gue itu, banyak bener orang yang malesnye kelewatan banget kalo dikasi tugas. Ini nih yang bikin gue banyak ilfil sama temen-temen kampus dan kagak mau kenal deket banget.

Tuh, baca !

Waktu semester awal, ada tugas kelompok dan gue kebagian jadi pembuat makalah. Nah ada satu temen gue, sebut aje Mona, kebagian bikin slide buat presentasi. Kebayang dong, bikin slide doang mah gampil abis. Tapi taunye pas mau presentasi, dia bilang tuh slide belom selesai dibikin. Mana slidenye kagak ditata rapi, lagi! Alhasil pas presentasi, si dosen ngamuk dan langsung kasi nilai EMPAT dong ke kelompok gue. Eek abis, padahal makalah udeh gue bikin rapi. Cuman gara-gara SLIDE doang jadi dapet EMPAT! WTF! 

Dari situ, gue berjanji tiap bikin tugas kelompok LEBIH BAIK gue ambil alih sendiri. Walaupun cape, bodo amat. Daripada dibikin sama temen dan nilai gue jadi ikutan ANJLOK.

Oke, semester berikutnye, gue ketemu temen-temen laen yang serupa kayak Mona. Janjian bikin tugas bareng, taunye kagak dateng karena alasan gak penting (malah sampe berbohong!). Bodo amatlah, gue sih bersumpah dalem hati semoga orang-orang kayak mereka dipersulit sama kampus. Dan bener, sekarang orang-orang kayak gitu, pasti selalu kedapetan pembimbing skripsi rese, dosen mata kuliah yang serem, mata kuliah banyak yang mengulang, nilai UTSnye ketuker sama nilai orang laen, dan laen-laen. Ya gitu deh, selalu ada KARMA dibalik yang kite lakuin, kan? Sedangkan gue, bukannye sombong nih, tapi karena emang di kampus gue selalu berusaha jadi mahasiswi baek, ya jadinye ape-ape kagak dipersulit banget, malah seringkali dikasi kejutan ama dosen. Misal, pas UAS gue merasa kagak bisa ngerjain soal, tapi pas keluar nilai, eh tau-tau nilai gue dapet A. Dan pas semester 7 kemaren, gue bisa dapetin IP 4. Naek drastis dari IP 3,3 ke 4. Hihihi.

Dan gue anggap, ini sebagai keberuntungan gue aje. Karena di kampus, gue kagak pinter/kritis sama sekali, caper sama dosen pun kagak. Ini keberuntungan dari apa yang gue lakuin di kampus dan buah hasil dari lelahnye ngerjain tugas. Menurut perenungan gue sih, gitu. 

Nah, selaen males, banyak juga temen kampus gue yang dateng ke kelas cuman modal diri doang. Alias, kagak bawa alat tulis ataupun buku kuliah satupun. Ya paling bawa dompet, handphone, dan tablet doang. Penampilan? Beuh, banyak yang fashionable + branded cowo-cewenye. Nah masalahnye, yang model kayak begini malah maap-maap aje, kayaknye kuliah cuman buat gengsi-gengsian doang. Alias, buat pengakuan. Pengakuan sebagai mahasiswa/i dari kampus ternama, pengakuan sebagai anak gaul, dll.

Waktu Semester 1, belom keliatan pesyenebel. Gue yang mane, hayooo?!!

Belom lagi sama yang ape-ape ngomel sama tugas, padahal tugas dari dosennye gampil bener cuman boleh copas dari gugel. Trus sama yang minta titip absen mulu dengan alesan sakit, huh pret banget. Kebanyakan bokis, gue sih ogah ngabsenin temen. Kagak mau ikutan dosa, lah! 

Entahlah ada dimane otak mahasiswa/i macem kayak begono, ape-ape yang dipikirin duniawi mulu. Bukannye ngebantu negaranye biar makin maju #sigh.

Belom lagi dan lagi... kalo di media sosial, temen-temen gue yang setidaknye anak komunikasi, masih banyak yang odong dalam memanfaatkannye. Mereka pake media sosial malah kayak orang kebanyakan, seperti pamer pacar/harta, marah-marah/galau gaje, ngomongin idola mulu, dll. Pusing. Malu ah, masa anak komunikasi pake media sosialnye cuman buat gituan doang? Apa kek gitu, sharing ilmu/pengetahuan dan pemikiran. Contoh gitu dosen-dosennye kalo di Twitter aje lebih suka menyampaikan pendapat, sharing berita, sharing tempat wisata, dll. Lebih bermanfaat!

Woy, kalo marah-marah jangan di media sosial dong, mending kalo kagak pake kata-kata jorok!

Kadang pengen nangis aje liat kondisi mahasiswa/i sekitar gue yang kayak gitu, bukannye bersyukur bisa dikuliahin sama pemerintah dan ortu, eh malah ngelunjak. Kagak liat ape kalo di sekitarnye banyak anak yang kagak bisa sekolah tinggi gegara masalah biaya? 

Mereka kagak ngerasain ape kalo ortu banting tulang nyari duit bakal sekolah tinggi di universitas bagus?

Mereka kagak mau ape mengharumkan nama kampus dengan prestasi?

Kampus kite sih dari segi fasillitas dan pengajaran udeh bagus, tapi kalo isinye ada mahasiswa/i kayak gitu, rasanye pengen ngurut dada Ridho Rhoma tau, nggak! Hiks... 

Anyway, ada satu artikel yang wajib dibaca mahasiswa/i, ini gue ambil dari Kompasiana, silakan dilihat : http://muda.kompasiana.com/2013/04/12/mahasiswa-jangan-kuliah-saja-550552.html

So, kalo kehidupan kampus kalian, gimane nih? Ada temen-temen gak penting kayak diatas kagak sih? Share dong! 

NB : Cerita diatas kagak ada maksud buat jelek-jelekin kampus sendiri ataupun kampus tetangga. Cuman mau share soal kehidupan mahasiswa/i-nye aje. Tapi teteplah, kagak semua kayak begono. Walau kagak banyak tapi teteplah ada mahasiswa/i yang masih waras.

Sumber Gambar :

http://dhitaips2201.wordpress.com/tips/tips-menghilangkan-rasa-malas/
http://vierar.blogspot.com/2010/06/dilarang-mabu-mabu.html
http://searsir.blogspot.com/2011/12/tukang-mabok.html
http://hatikasih.blogspot.com/2012/11/bukan-demi-marah-menjadi-manusia.html
http://www.radarbangka.co.id/rubrik/detail/weekend/1973/ingin-terhindar-dari-marah-ini-tipsnya.html