KEBOHONGAN PROGRAM TV YANG KUDU LO KETAHUI

KEBOHONGAN PROGRAM TV YANG KUDU LO KETAHUI - JADI PROGRAM TV APE AJE NIH YANG UDEH NGEBOHONGIN LO-LO PADE?

Kate sape kalo media ntu selalu jujur? Kagak juge, kok. Mau medianye udeh senior dan guede, pasti yang namanye duit ya mereka bakal maruk juge (baca: terima tulisan PESENAN). Jangan pernah percaye bahwa media kagak pernah ngebohongin kite semua. Jaman sekarang eni nih, kagak usahlah terlalu percaye ame apapun. Mending percaye ame diri sendiri dan Tuhan yang lo percayai.

Kebetulan waktu kuliah gue ngambil Fakultas Ilmu Komunikasi. Dan dosen yang mengajar tentunye kebanyakan dari para kalangan media. Mulai dari produser program TV, produser film, news anchor, penulis, presenter, banyak dah. Gue belajar banyak banget dah dari mereka. Dan gue selalu antusias ketika mereka cerite tentang daleman media, khususnye media tipi.

Sekarang, gue mau mengungkapkan program TV mane yang ternyate udeh ngebohongin kite semua. Cekidots:

1. MDL

MDL HOAX DAH

Tentunye lo semua tau dong ame acara uji nyali yang ade di tipi ntu. Nah, waktu gue mengenyam kelas produksi TV, kebetulan dosen gue cerite kalo ntu program bohongan. Cuman ya pegimane ye, orang Indonesia ini selalu antusias banget ame segale sesuatu yang berhubungan dengan misteri, dan ini sebenernye manusiawi. Kalo di dalem ilmu komunikasi yang gue inget sih ye, manusia ntu selalu antusias ame hal yang berbau dengan misteri, seks, kekerasan, dan laen-laen yang udeh gue lupa. Makanye coba aje lo liat, acara yang menyanangkan misteri, seks, dan kekerasan, pasti laku (berlaku juge ame pelem-pelem bioskop). Iye, kagak?

Dan minggu lalu, akhirnye si MDL bener-bener terbukti HOAX setelah ade video ini. Walau udeh diklarifikasi tapi tetep aje gue kagak percaye. Lagian kata temen gue yang bisa liat makhluk astral, MDL emang HOAX.

Beda banget ye ame DL waktu jaman dulu pas masih dipegang ame si Harry Pantja, kalo ntu sih emang beneran, dan bisa banyak penampakan karena kameranye dijampein terus. Halah. (Denger-denger)

2. HIPNOTIS ALA OOYA KOOYA

Dulu pernah ade acara hipnotis di mal-mal yang dipegang ame si Ooya Kooya. Nah, lagi-lagi ternyate hoax juge, bok. Ntu yang jadi korbannye dikasi skrip sebelom syuting ternyate. Korban? Bukan deh, pura-pura jadi korban, haha. Dapet duit sih emang, sekitar 300-500 ribuan. Temen gue pernah ditawarin, untung doi kagak mau. Hihi. Oh iye, kalian bisa cari di forum-forum tentang cerita mereka yang pernah ditawarin jadi talent si Ooya :p

OOYA KOOYA NIPU AH :'(

Oiye, si Ooya kan punye acara baru lagi ye, nah yang ntu sih kagak tau dah rekayasa ape kagak, belom ade laporannye hehehe.

3. TERKETEK-KETEK

Masih inget program Terketek-ketek kagak lo? Ntu lho yang pernah ade di tipi ntu. Ini juge ternyate bohongan, lho. Soalnye pernah tuh temen gue ikutan, namanye Debby, eh pas disono namanye jadi Dewi ape kalo kagak salah. Pokonye beda gitu. Pas di sekolah dan gue tanye langsung, doi bilang bener kalo doi dibayar ame ntu acara. Cape deh.

4. THIS IS IT....

Tentunye lo tau dong acara masak-memasak yang pernah nampilin chef seksi berdada bohay? Nah, gue kira ape yang diye masak ntu berdasarkan resep yang dibuat sendiri. Eh taunye kagak. Resepnye dibikinin ame salah 1 dosen pariwisata di salah 1 perguruan tinggi swasta ternama di Jakarta. Hohoho.

Terus kalo boleh jujur nih, resep makanan yang dipraktekin sebenernye kadang ade yang ngaco. Kagak ngaco banget sih, misalnye si Chefnye lupa kasi gula, garam, atau apapun ntu. Hehehe.

Oiye, pernah juge nih temen kampus gue yang magang di acara Metroktipik. Di acara ntu kan ade segmen masak nih dan LIVE. Nah ternyate, makanan yang dipraktekin ntu pas udeh jadi malah seringnye ntu dibuang, kagak dimakan. Soalnye KAGAK ENAK. Namanye juge dikejar durasi. Hihi.

Dunia emang kejam banget, ye... halah.

5. BR

Pernah kagak lo nongton acara yang formatnye gini: ade keluarga miskin banget, rumahnye jelek, terus dibetulin dah tuh rumahnye ampe bagus dalem 24 jam. Selama rumahnye dibetulin, ntu keluarga bakal diajak seneng-seneng. Pas diajak liat rumahnye yang baru, mereka nangis sesegukan. Dan kite pun terharu hingga takjub ngeliat mamang-mamang yang bikin rumah bisa betulin rumah cuman sehari doang.

MBAH :'(

Ternyate acara ini agak direkayasa juge sih. Pertame, waktu pengerjaan pembetulan rumah ternyate kagak sehari, tapi berhari-hari. Kedue, rumah yang dibetulin kebanyakan kagak dipakein tembok, pake triplek doang. Ketige, keluarga yang punye rumah selalu dipaksa buat nangis lebay. Kalo pas disuruh nangis tapi kagak nangis-nangis, yaudeh bakal re-take terus. Hihihi. Tapi setidaknye, lumayanlah karena program ini, si keluarga bisa dapet suasana rumah baru. Iye kagak?

Nah, ini baru beberape program yang gue kasi tau ke kalian. Sebenernye gue yakin di tipi-tipi masih banyak program rekayasa. Demi rating dan share gitu lho. Demi duit gitu lho. Kalo kagak bikin yang lebay-lebay, pendapatannye pegimane?

Gue harep sih, kalo emang program TV di Indonesia emang rekayasa, toh dibikin secara elegan gitu lho. Di luar negeri pun banyak kok program hoax tapi selalu dibikin elegan. Kagak kayak kite, apelah ntu setan dibikin hoax, curhat hoax, halah.

Semoga tulisan ini bisa bikin pikiran lo semuanye terbuka. Menurut lo, kira-kira nih ye, program TV apelagi yang direkayasa?

Sumber Gambar:

http://tvsehat2010.blogspot.com/2011/01/kaitan-antara-reality-show-bedah-rumah.html
http://www.clubhipnotis.com/2011/10/pesantren-jawa-madura-haramkan-tayangan.html
http://www.scriptmag.com/features/spit-takes-a-quick-look-at-writing-selling-a-tv-pilot
http://www.merdeka.com/peristiwa/penampakan-tangan-di-acara-masih-dunia-lain-hebohkan-dunia-maya.html