Ngintip Nikahan Gue, Nyok!

So yeah, setelah 7 bulan nikahan gue berlalu, gue malah baru sekarang PAMER kayak gimane pesta nikahannye. HAHAHA. Maapkeun hamba yak gaes, bcz of data-data dokumentasinye banyak yang ilang dan kudu dikumpulin lagi, sehingga baru sekarang gue bisa berbagi cerite tentang nikahan sendiri.

Sebenernye beberape temen sekolah/kuliah gue banyak yang baru ngeh gue udeh nikah, karena banyak dari mereka yang kagak gue undang.

Bukan... bukan karena gue sombong hingga gue cuman mau mengundang yang paling deket atau memungkinkan mau dateng doang. Ada banyak alesannye, gaes.

1. Tempat terbatas banget, cuman buat 150 undangan. Maklum euy, dipestain di villa yang kagak gitu gede. Kenape di villa? Karena villa ntu deket rumah gue yang di Bogor (rumah paling gede yang dimilikin ortu sehingga bisa menampung lebih banyak sodara jauh yang mau nginep). Selain ntu, si villa ini punye wedding organizer sendiri, murah pula, nikmat mane lagi yang harus gue dustakan?

Penampakan tempat seperti berikut :

2. Tempatnye jauh, ada di kaki Gunung Salak, Bogor. Kalo dari stasiun Bogor, bisa naek 2 kali angkot. Ntu juge angkotnye jarang banget yang lewat tepat di depan venue. Yang paling memungkinkan adalah naek kendaraan pribadi, karena kalo undangan naek taksi online dari tempat tinggal mereka, susahnye pas mau balik karena taksi online kagak nyampe ke venue. Namanye juge di gunung wkwk.

3. Jatah undangan untuk gue pribadi cuman dapet 30 undangan doang. Iye, dari 150 undangan, gue cuman dapet 30 undangan doang. Jadi kudu dipikirin baek-baek banget, temen mane aje yang setidaknye bisa diharapkeun dateng. Yang diharapkeun kayak gimane? Nah ada beberape poin penilaian, misalnye:

- Seberape deket gue dan doi?

- Seberape sering gue berkomunikasi dengan doi?

- Apakah tempat tinggal doi kagak terlalu jauh dari venue?

- Apakah doi punye kendaraan pribadi?

- Apakah gue dan doi setiap hari ketemu?

- Apakah doi tipe anak yang selalu dateng ke kondangan berjarak jauh? (Bitch please, temen SMP gue pernah nikahan di Taman Mini, masih wilayah Jakarta, masa dari 20 undangan yang disebar ke temen SMP. cuman gue doang yang dateng huhu. Kebanyakan bilang jauh lah apa lah, bodo amat).

- Apakah doi punye penghasilan yang layak, mengingat venue jauh dan memungkinkan biaya ongkos yang mahal (FYI, naek taksi online dari ITC Roxy Mas deket rumah gue ke venue nikahan gue menghabiskan ongkos senilai Rp 250.000 sekali jalan, belom termasuk biaya tol).

4. Konsep nikahan gue yang memang khusus diperuntukkan sodara dan kerabat super deket. So, I'm so sorry, guys.

---

Nah, mari kite mulai cerite nikahan gue. Satu malem sebelom hari H, jangan dikira gue bakal ribet gegara kudu nyalon, gurah, siraman, dan keribetan laennye. Kagak sama sekali, yang ade nih gue di kamar aje nongton pelem sambil ngemil atau bungkusin cindera mata haha. Gue kagak diet sama sekali, kagak jaga makan demi nikahan, yang penting makan biar gue kagak sakit maag dan kagak lemes selama acara besok. Hahaha. Pokonye diet kagak ade di kamus gue sebelom nikahan kemaren wqwq.

Besoknye gue bangun jam 4 pagi, mandi, terus ke Rumah Putih (nama villanye), yang berada kagak jauh dari rumah. Jam 7 mulai make up, sambil makan lontong dan susu Ultra. 

Terus, emak gue tetiba rempong sendiri. Berulang kali nelponin yang punye organizer untuk mastiin make up buat gue bagus. Terus sempet komplen, kenape lampu lampion yang jadi hiasan warnanye putih bukan pink. Padahal pas di meeting sebelomnye udeh dibilangin kalo lampionnye warna putih biar lebih keliatan elegan pas dipoto. Pokonye emak gue bawel bener dah sampe gue minta maap mulu ame Teh Rina, si empunye wedding organizer wqwq.

Cuaca Bogor saat ntu lagi jelek banget, maklum ye khan bulan Desember awal, lagi sering ujan bo. Sebenernye kalo boleh jujur, wedding organizer gue pake pawang hujan, walaupun ujung-ujungnye kite pun berserah diri lagi kepada Tuhan yang Maha Esa. Tapi tetep aje sih, pagi-pagi udeh ujan, sehingga beberape properti nikahan kagak maksimal (misal booth buat pepotoan jadi becek huhu maap yes). Abis ujan, terus banyak angin lumayan gede, untung tenda kagak roboh hahaa. Namun untungnye pas acara mau mulai, semua terhenti. Palingan di tengah-tengah acara, yang rada-rada ada gerimis, tapi kagak nyusahin tamu banget sih.

Sekitar jam 10 pagi, akad pun dimulai. Gue berjalan ala putri keraton dari tempat make up ke pelataran. Terus gue liat muke calon suami gue ntu, asik dah kinclong bener wqwq. Bersinar terang, sun bright like a diamond dah pokonye. Terus pas ijab kabul, si Yangski lancar bener dong ngucapinnye HAHAHA. Subhanalloh, padahal gue ekspek doi bakal gugup dan ngulang beberape kali. Eh taunye lancar bener. HAHAHA. 

Yang kagak gue ekspek malah bokap gue. Setelah si Yangski ngucapin ijab kabul, bokap gue (sambil berjabat tangan) malah nangis kejer. HAHAHA. Pokonye kurang lebih si bokap ngomong gini:

"Saya terima nikahnya ..... hiks hiks... hua... ugh ugh... (sesegukan)"

Terus ngulang, sambil si penghulu megang pundak dan memandu ucapan buat bokap. 

"Saya terima nikahnya ..... hiks hiks... anak saya.... ugh ugh... huaaaaa gak kuat gak kuat"

HAHAHAHA gue malah ketawa tapi sambil nangis. Anjay seumur-umur baru kali ini liat bokap gue nangis! Tampaknye doi kagak siap nih anaknye diambil orang wqwq.

Untungnye, meski terbata-bata, bokap bisa ngomong hingga ijab kabul pun SAH. Uhhh, sayangnye pidionye ilang cuy dari iPhone gue, padahal momen ijab kabul tuh yang paling kocak HAHA.

Setelah ijab kabul, seperti biasa, tukeran cincin, pepotoan sambil megang buku kawin, sungkeman, suapin-suapinan, etc. Terus 2 jam berdiri di pelataran atau jalan-jalan mengunjungi posisi tamu. Namanye juge garden party hehe.

Mau tau kelanjutan ceritanye? Tungguin part 2nye entar ye, versi kebanyakan drama wkwkwk.

Venue/Wedding Organizer : @RumahPutihBogor 

MUA : @shelomuart

Photographer : @putrantopage