Make Up Meghan Markle VS Manten Lokal, Pilih Mane Cuy?

Kok banyak yang menghujat gaya make up penganten lokal, sih?

Lagi-lagi gue menemukan kesotoyan dari cowo-cowo saat komenin make up Meghan Markle. Mereka bilang, contohlah si Meghan yang dandanannye natural. Emangnye penganten Indonesia, yang mukanye penuh dempul pas di nikahan? Hiiih.

Ada juge emak-emak yang bilang kalo dandanan Meghan Markle tuh kagak banget, kayak orang abis bangun tidur. Masa dandanannye kalah ame selebgram Indonesia, yang kece badai walau cuman ke minimarket?

Jadi begini loh....

Meghan Markle tuh salah satu figur publik di Amerika, karena pernah jadi aktris. Tau kagak kalo menjadi figur publik macem aktris tuh suka banget perawatan buat muka dan badan, karena fisik mereka adalah investasi utama mereka.

Jadi, jangan heran kalo mukanye Meghan Markle tuh punye dasar yang enak dilihat. Kagak ada double chin, jerawat gede, dan belom banyak keriputan. Bersyukurlah doi tuh bule, jadi hidungnye mancung. Coba kalo doi orang Indonesia yang masuk ras pesek, pasti kayak Awkarin, yang hidungnye bakal dioplas, atau minimal di-filler. Matanye juge udeh bagus sehingga kagak perlu pake lensa kontak.

Kulitnye cenderung sehat, karena pasti diasupi oleh makanan bergizi dan sehat. Biasanye makanan sehat tuh mahal, coba aje bandingin harga beras putih ame beras item, atau cek harga granola. Belom lagi sayuran atau buah-buahan organik, minyak zaitun (kagak pake minyak jelantah pasti tuh bule), roti gandum, dan bahan-bahan pokok nan sehat yang bisa ditemukan langsung kalo kalian suka maen ke Food Hall.

Belom lagi sederetan olahraga yang dijalani Meghan Markle, salah satunye yoga, yang bayar instrukturnye pasti mahal cuy. Doi juge menjalani inner facial untuk melepas stres dan ketegangan di wajah. Gile, pasti mahal bener cuy, karena gue sendiri baru denger facial macem ntu.

Meski terlihat sederhana, jangan salah menilai kalo Meghan Markle cuma butuh peralatan make up yang sederhana dan murah meriah. Mengingat doi didandanin oleh Make Up Artist ternama di sono, namanye Daniel Martin, yang dikenal sebagai Brand Ambassador Dior. Jadi, kagak heran kalo Meghan Markle pake banyak produk Dior buat acara nikahannye. Asal tau aje, kalo biaya make up nikahan si Meghan aje konon menghabiskan Rp 200 juta! Bisa buat beli rumah ini mah!

Beberape produk yang dipake Meghan Markle di Royal Wedding, dilansir dari @overheardbeauty. 

Asal tau aje, ntu eyeshadow-nye doang bisa di atas sejuta, cuy. Belom aje nih gue itung total keseluruhan alat make up yang dipake, wah bisa berape kali lipet gaji sebulan kalian semua tuh!

Lagi pula kurang tepat jika kite membandingkan gaya dandan penganten barat dan penganten Indonesia. Kalo di barat sono kan, emang demennye gaya make up natural, sedangkan penganten Indonesia, kebanyakan pake pakaian adat dan kudu sesuai dengan permintaan keluarga, untuk pake make up yang manglingin. Karena tiap hari kan kite kagak pake make up tebel.

Sungguh jahat jika kalian berkata seperti di dalem meme ini. Lha wong dua-duanye cakep kok, tergantung kebutuhan mereka aje dandannye kayak gimane.

Meme dari salah satu akun IG, sumpah jahat banget sih.

Lagi pula, kebanyakan penganten yang pake make up natural tuh emang yang mukanye udeh cakep dan mulus. Jadi, kagak usah heran kalo Raisa dan Putri Marino berani nikah pake gaya make up natural kayak Meghan Markle, tetep cakep ini sih. Toh kagak salah juge kalo mereka mau tampil beda, dengan pake make up sederhana.

Toh barangkali, penganten yang pake make up sederhana tuh pengen nampilin kecantikan hatinye kepada khalayak tamu dan suami tercinte. Yang terpancar dari cahaya di wajah~~ #halah

Lha kite yang orang biasa? Yang mukanye kebanyakan kekurangannye, ya kudu ditutupin demi bisa tampil sempurna di pelaminan. Jangan samakan muka rakyat jelata kayak kite ame figur publik lah, karena ada duit ada hasil.

Kalo misalnye calon suami kalian kagak setuju kalian pake make up yang manglingin, todong aje serangkaian paket perawatan mahal sebelom nikah, cuy. Kalo kagak mau, bilang : "Kalo miskin, jangan kebanyakan nuntut!"

Dan semenor-menornye make up nikah, ya asalkan kagak kayak gini aje. Jatohnye malah serem.

duh, kesian amat yak nih penganten :'(

Jangan takut buat pake make up manglingin atau natural saat nikah nanti. Abaikan omongan keji orang laen, karena omongan mereka kagak bakal bikin kalian masuk neraka keesokan harinye, kok.

Semangaaaattttt!!!

Yang penting aing nikah, lah.