Hal-Hal Yang Harus Diomongin Ke Pasangan Sebelum Menikah

Wow, ape hubungannye dengan foto ini? WKWK. Baca aje ye di bawah!
Sumber Foto.

Gue sedih banget melihat beberape temen gue yang pade akhirnye bercerai dengan pasangan mereka. Padahal nikahnye jauh duluan gue ketimbang mereka, yang mane seharusnye kite bisa berpikir, "Penganten baru, pasti bakal adem ayem, pasti masih romantis, pasti belom banyak drama."

Hampir seluruhnye sebelom menikah, mereka berpacaran sampe bertahun-tahun lamanye. Bikin gue mikir, "Selama bertahun-tahun, mereka kagak bener-bener mengenal satu sama laen ape ye? Kok bisa-bisanye merasa kagak cocok? Kok bisa-bisanye kagak sadar selama ini dibohongi terus?"

Dari banyak cerite rumah tangga mereka sih, gue merasa bahwa mereka kagak mengutamakan kunci komunikasi untuk meminimalisir setiap masalah yang ada. Ape-ape kagak dikomunikasiin, cuman dipendem, atau dijadiin amarah, hingga ada yang ngerasa kudu cari pelarian dengan berselingkuh di luar sono.

Kunci rumah tangga yang asik ntu cuman komunikasi tok, asli. Mau kalian miskin kek, kaya kek, rumah tangga sama-sama bisa hancur, sama-sama bisa asik. Tingga kalian aje yang menjalankan, dikomunikasiin dengan baek kagak?

Nah, kalo di sini ada temen pembace yang baru mau nikah, coba deh pelan-pelan bicarain hal-hal di bawah ini kepade pasangan masing-masing:

1. Gaji dan Anggaran

Kalo udeh mau nikah mah, ya kudu terbuka dong soal gaji kite dan si doi. Mau kecil kek, gede kek, semua bisa diatur sedemikian rupa sesuai kebutuhan, asalkan emang dari individunye gigih bekerja dan pinter cari peluang cari duit.

Masalah keuangan adalah faktor utama pasutri bercerai, lho. Jadi, pastiin semua bisa diatur sesuai kebutuhan yak.
Sumber Foto.

Setelah ntu... Coba bikin skema anggaran untuk berumahtangga nanti. Jadi bisa sama-sama memperkirakan tiap pos pembayaran nanti bisa jadi bagiannye siape aje. Misal, pos buat beli kebutuhan dapur dipertanggungjawabkan suami, pos bayar PDAM oleh istri, dsb. Sukur-sukur kalo sang imam rumah tangga yang 100% bayarin kebutuhan rumah tangga, hehe. Jangan lupa bicarain soal tabungan bersama, asuransi, budget untuk hari tua, dan investasi yang mau dijalanin.

SEKALI LAGI GUE TEKANKAN. Segede dan sekecil gaji sisi calon suami atau istri, harus bener-bener diperlihatkan dengan kejujuran hati. Jangan sampe ada yang ditutupi biar pas udeh nikah, kagak bakal ada tuh drama-drama merasa dibohongi.

2. Jatah Bulanan Untuk Perawatan Istri

Cukup banyak istri yang mengaku kagak dapet jatah khusus untuk perawatan diri dari suami. Kebanyakan si suami ngasi duit sekali sebulan tok buat semua kebutuhan rumah tangga tanpa embel-embel, "Sekian ribu ambil aje ye buat beli skinker." Pengakuan dari para istri ntu, "Lha kite mah kalo mau beli skinker nih, nunggu semua kebutuhan dapur terpenuhi dulu!"

Kecantikan dan kebersihan istrimu itu tergantung dari uang yang kalian kasi, guys~~~
Sumber Foto.

Dari sisi calon suami, gue harap kalian berinisiatif untuk ngasi anggaran perawatan si doi nanti. Kalo doi cakep, kan kalian juge yang bangga dan dibilang, "Wah, Mas X keren yak punye bini kayak gitu. Pantes betah di rumah."

Dari sisi calon istri, kalian berhak kok mendapatkan fasilitas ini dan kagak perlu sungkan untuk dibicarain sebelom akad nikah berlangsung. Gue aje pas udeh paham bakal dinikahin langsung gue tembak, "Pokonye nanti kasi akoh sekian jetong bakal skinker, mekap, en beli baju tiap bulan!" Wkwkwk. Untungnye laki gue pengertian banget, ngasi budget ginian kagak pernah telat.

3. Preferensi Seks

Kagak usah sok tabu ngomongin soal seks alias pengeuean duniawi! Bisa banget kalian tanyain ke mereka sembari santai-santai (dalam arti bukan saat lo dan pasangan nekat ngeseks di luar nikah yak. Eh tapi kalo mau lakuin ya silakan dosa ditanggung sendiri wkwk). Omongin aje pas lagi nongki di luar, jangan pas lagi berduaan di rumah nanti ada setan nongol wkwkwk.

Nah kan, jadi pengen ena-ena abis liat nih poto!
Sumber Foto.

Kalo sampe ada ucapan, "Aku sih pengen banget kita bisa cobain gaya cambuk-mencambuk dan kamunya diiket gitu" , "Aku tuh kayaknya cuma bisa ngeseks kalo aku bisa nampar dan jambak pasangan dulu, deh" WADUH! Mending diputusin aje wkwk. Kecuali kalo kaliannye juge punye kesukaan yang sama.

Emang sih bisa aje si doi berbohong, ngakunye suka yang standar-standar aje (dalem arti aman bagi ajaran agama dan anjuran kesehatan). Yah... berdoa aje deh semoga dapetin pasangan hidup yang preferensinye masih masuk akal, bukan masuk anal (kecuali ente nikah sesama gay).

4. Tempat Tinggal

Coba dibicarain, abis akad dan resepsi nanti bakal tinggal di mane dalem beberapa bulan dan tahun ke depan? Kalo mau tinggal ame ortu kalian atau ame mertua, coba dipikirin, "Mau sampe kapan?"

Soal tempat tinggal, silakan didiskusikan berdua yak. Biar kagak ada yang merasa baper jika kagak dilibatkan.
Sumber Foto.

Kalo menurut gue sih, penting banget pasangan pisah dari orangtua. Alesannye:

- Biar kagak ada rasa cemburu dari orangtua yang merasa kurang diperhatiin anaknye (yah gimane dong, kan kalo udeh berumahtangga prioritasnye pasti lebih ke pasangan yak). Jadi, pikir ulang kalo mau tinggal serumah dengan ortu atau mertua.

- Mulut ortu atau mertua sukanye nyinyir kagak penting? Fix, cabut aje!

- Mau ngeue bebas di mane aje macem dapur, sofa ruang tamu, atau meja kerja di rumah? Pastikan dilakukan di tempat tinggal sendiri!!!! Kalo di rumah ortu atau mertua, KAGAK MUNGKIN BANGET BROSIS. Kecuali pas rumahnye lagi kosong.

- Kalian tipikal yang berisik saat bikin anak? FIX, NGEUE DI TEMPAT TINGGAL SENDIRI! Malu cyiiin kalo kedengeran orang rumah~~~

Oiyak soal tempat tinggal nih, kagak harus banget beli rumah sendiri kok. Kalo kalian Sobat Misqueen atau termasuk orang yang belom nemuin komplek perumahan yang cocok (dari segi harga dan lokasi), bisa dicoba ngontrak dulu bareng pasangan. Jangan lupa didiskusiin dulu pas mau pilih kontrakan. Termasuk saat memilih furnitur dan perlengkapan rumah tangga.

5. Hutang-Piutang

Sebelom akad, usahain kalian tau kalo :

- Si doi kagak punye hutang.
- Kalo pun ada hutang, tau doi hutang ame sape dan berape duit yang dipinjem.
- Kalo pun ada hutang, tau alasan doi kenape kudu berhutang. Kalo demi gaya hidup hedon mah, tinggalin aje.
- Kalo pun ada piutang, tau doi kasi pinjem ke siape, berape, dan akta perjanjian jika ada.

Kalo bisa sih, hindari berhutang demi gaya hidup!
Sumber Foto.

Jangan sampe pas udeh nikah nanti, kalian terbebani dengan (terutama) masalah hutang yang dilakukan pasangan. Pertama, risikonye bisa dialami oleh pasangan. Kedua, masalah hutang ini bisa jadi bahan percekcokan rumah tangga. Kagak mau kan hal-hal tersebut terjadi di rumah tangga kalian? 

Satu lagi: jikalau doi punye hutang, pastikan bukan berhutang pada RENTENIR dan PINJAMAN ONLINE. Ngeri, bosque. Lha wong ada tuh sodara gue, pinjem ke rentenir kelas kakap ibukota sebanyak 8 Miliar tapi karena kagak bisa bayar eh rumahnye yang senilai 80 Miliar ntu malah diambil paksa oleh si rentenir. Keluarga gue sih udeh mencoba bantuin tapi... kalah karena duit kami kagak sebanyak si rentenir kampret ntu. Melawan memang seringkali butuh duit buanyak, bosque. HUHUHUHU.

6. Perencanaan Anak

Soal anak tentu harus dibicarain sebelom BIKIN ANAK dan ANAKNYE JADI. Serius lho ini, biar kagak kaget-kaget amat ke depannye karena dari jauh hari udeh diomongin bareng pasangan. Sumber Foto.

Silakan tanyain ke si doi:

- Kalo mau punye anak, maunye ada berape?
- Kalo menunda beberape tahun, boleh kagak? (Bagi yang mau menunda)
- Kalo kite kagak bisa punye anak, gimane?
- Kalo kite punye anak, mau disekolahin di mane?
- Kalo kite punye anak, baeknye pake ilmu parenting kayak gimane aje?
- Kalo kite punye anak dalam waktu deket, apakah kite udeh bener-bener siap?
- Kalo kite kagak bisa punye anak, apakah Abang mau poligami? (Jika dari sisi calon istri kagak mau dipoligami, kemukakan alesan logisnye. Kalo rela dimadu, kemukakan persyaratannye).
- Kalo ternyate kite kagak bisa punye anak sendiri, mau adopsi anak kayak gimane?

Kurang lebih begitu daftar pertanyaannye.

7. Pekerjaan

Silakan tanyain ke si doi (calon suami) soal prospek kerjaannye hingga beberape tahun ke depan.

Kalo kerjaannye kagak berhubungan dengan aksi sosial dan industri kreatif, siap-siap nanti bisa digantikan oleh mesin dan robot. Silakan tanyain, "Abang punye skill ape buat bertahan hidup?" "Abang bakal kerja jadi ape kalo misalnye profesi kasir di Alpamaret diganti robot?"

Kalo Abangnye kayak gini sih mending jadi Youtuber aje, iye kagak?
Sumber Foto.

Terus, coba dipikirin (bagi calon istri):

- Apakah siap dengan risiko pekerjaan suami sekarang ini? (Misal, kalo suaminye tentara maka siap bakal ditinggal terus).
- Apakah siap mendapatkan ocehan tetangga dan keluarga jika profesi si suami tampak kurang bergengsi di mata mereka?
- Apakah pekerjaan suami bener-bener bisa memenuhi kebutuhan keluarga? Jika kagak bisa, bolehkah si istri nanti turut bekerja?

8. Makanan kesukaan

Ada loh rumah tangga yang akhirnye kagak awet gegara si istri pusing ngurusin suaminye yang KAGAK DOYAN NASI. Jadi, ape-ape si istri kudu siap sedia roti buat si suami makan (rotinye dijadiin pengganti nasi gitu, gaes). Nah, yang ribet tuh kalo ke kondangan, acara keluarga, atau makan-makan bareng temen. Si istri pokonye kudu wajib bawain tuh roti di setiap acara ntu. Kalo kagak atau kelupaan, si suami bakal ngamuk. Mungkin karena kesel, si istri akhirnye minta cerai. Tampak sepele tapi... percaye dah jangan sampe menyepelekan hal sekecil ini, coba pikir ulang, "Apakah sebagai seorang istri nanti siap mendapatkan amukan suami jika makannye kurang dilayani?" Kalo calon suaminye bukan tipikal ambekan dan makannye kayak orang kebanyakan... BERSYUKURLAH.

Jangan sampai ada perceraian akibat kite kagak bisa memahami makanan yang dikonsumsi pasangan.
Sumber Foto.

Coba deh tanyain ke si dia, demennye makan ape sih? Kalo belom bisa masak makanan kedemenannye, TINGGAL CUSS BELAJAR. Buka Youtube atau aplikasi resep makanan, DIJAMIN LANGSUNG BISA. 

Tiap manusia tuh unik, lho. Ada temen gue yang jijik dengan tahu. Ada yang jijik kalo makan daging ayam. Ada yang kagak suka sayuran. Nah, gue sendiri kagak doyan seafood dan daging merah. Jadi, jangan heran kalo sampe sekarang gue kagak pernah makan daging rendang, sate kambing, gulai daging, ikan bakar, lobster rica-rica, dsb. WKWKWKWK.

Untungnye sih suami gue santuy aje terhadap keanehan gue ntu. Dan doi pun santuy soal makanan, kagak ada rikues yang aneh-aneh. Kalopun gue males masak, ya kite tinggal ke warung Padang HAHAHA. Asli dah gue cinta banget ame laki gue WKWKWK.

Jadi begitu gaes hal-hal yang harus diomongin kepada pasangan sebelom menikah. Sebenernye sih ada banyak hal lain juge yang kudu diomongin tapi gue udeh males ngetik nih, udeh ngantuk pula WKWK. Nanti bakal gue lanjutin deh, walau kagak janji WKWK. So, silakan komen di bawah menurut kalian ape aje hal-hal laen yang belom disebutin?