Es Kopi Yahud Cap Roti Buaya Yang SeYAHUD David NAIF

Akhirnye minum Es Kopi Yahud di Cap Roti Buaya langsung!

Akhir pekan kemaren kan gue ke kota Bandung tuh. Gue nginep di Amaris Cimanuk. Tempatnye sih lumayanlah buat harga 400 ribuan. Makanan lumayan enak. Ada kolam renang meski kecil mungil. Tapi yang terpenting sih bersih, wangi, dan kagak serem. Yang terakhir ntu WAJIB sih. Karena sebulan lalu gue baru aje mengalami kisah horor di salah satu hotel yang ada di Puncak. Cek aje tuh di highlight Instagram @irvinalioni.

Sekitar 100 meter dari penginepan, tepatnye di Jalan Progo, ternyate ada coffeshop mungil milik vokalis NAIF, Bang David Bayu. Namanye Cap Roti Buaya. Lokasinye tepat di depan Unionwell, outlet baju anak motor milik Bang David juge.

Horeee, inilah kedua kalinye gue minum Es Kopi Yahud dari Cap Roti Buaya. Kali ini tentunye langsung ke outlet yang cuman ada di kota Bandung! Sebelomnye sih gue udeh minum, pertama kali waktu peluncuran Unionwell di Mbloc. Si Bang David nyediain Es Kopi Yahud di situ. Sayangnye kagak dijual juge di depan Unionwell ntu, kata doi bener-bener cuman ada di Bandung.

Sedih sih saat tau minuman terenak ini cuman ada di Bandung. Oiyak jujur ye, awalnye gue ngerasa gini, "Ah palingan cuman es kopi susu dengan rasa yang gitu-gitu aje. Menang brand doang punye selebritis!"

Eh pas gue minum. GLEK. ANJAAAYYY ENAK BANGETTTT! Sedikit mirip Tuku! Tapi lebih manis dikit. Abis ntu, perut gue langsung mules. Nah kalo udeh mules gitu, tandanye tuh kopi cukup strooooong!

Foto waktu pertama kali minum Es Kopi Yahud dan makan roti buaya yang dijual doi juge di Cap Roti Buaya!

Nah, waktu pertama kan gue minumnye versi botol ye. Kagak ada es batunye tuh. Terus pas gue langsung ke Cap Roti Buaya Bandung, kite disajiinnye di botol plastik kayak es kopi kebanyakan. Yaaaa monmaap niye masih pake gelas plastik huhu. Gue malah ngiranye kalo minum langsung pake gelas. Nah, untuk mengurangi rasa bersalah, gue cuma mau bilang bahwa gue dan temen-temen laen kagak minum pake sedotan plastik, kok. Sueeerrr! Karena emang kagak disediain ame tuh outlet. Di atas gelas sih dikasi tusuk gigi sebiji bakal nusukin bungkus gelas. Jadi, kagak perlu repot-repot buat pinjem garpu atau yang tajem-tajem demi bisa minum dari gelas. Etapi kalo kagak mau ribet mah, minta aje ke abangnye untuk kagak bungkus atas gelasnye. Biar langsung glek glek glek!

Terus kite kan minum kopi bareng ye khaaan sembari ghibah, ngomongin kopi-kopian di Jakarta, sampe kagak berasa tuh kopi kite tinggal seperempat. Keliatan deh tuh es batunye. EH KOK WARNANYE COKLAT? Pas dicicipin, oh jadi es batunye dibikin dari kopi! Jadi kalo kelamaan kagak diminum, es kopinye kagak berasa hambar, alias masih ada rasa kopinye. PINTER BANGET ASLI! DAN GUE BELOM NEMUIN INI DI COFFEESHOP SERUPA DI JAKARTA! (kecuali di kafe mahal yak).

Harusnye bersepuluh nih, tapi cukup berlima karena yang laen lebih memilih bobok di hotel.

Keesokannye sih jujur gue beli lagi si Es Kopi Yahud, ya soalnye kapan lagi gue minum tuh kopi. Banyak sih kopi-kopian di daerah Progo, tapi gue tuh tipikal yang kalo udeh nemu yang enak maka akan beli yang itu-itu aje.

Kalo menurut gue, Es Kopi Yahud tuh perpaduan yang cukup pas. Kalo dilihat dari takarannye sih, lebih banyak susunye. Cuman dikiiittt. Kopinye strong, gulanye kagak terlalu banyak. Liquid-nye tuh semacem masih kental, kagak kayak aer tok. Yang paling penting yakni es batunye dari kopi! Mantul dah! Harga cuman 20 ribu, dijamin bikin mata melek coy!

Buat yang pengen ngopi tapi kagak kuat ame kopi, bisa minta dikurangi espresso-nye. Atau bisa pesen minum non kopi, macem minuman Rawa Buaya berisi lemon dicampur selasih. Banyak minuman non kopi juge kalo kagak salah. Kalo soal harga mah mirip-mirip.

Minusnye sih, tempatnye cuman begitu doang. Semacem kios dengan 4-5 kursi dan satu meja berpayung dengan 4-5 bangku. Jadi, rada kurang enak kalo mau ajak lebih dari 5 temen ke sini.

Udeh gitu si Cap Roti Buaya cuman ada di Jalan Progo Bandung doang! Inilah yang gue sesali. Seenak ini cuman sebiji doang outlet-nye! Sedangkan di luar sono yang kagak enak malah buanyak gela outlet-nye! Plis ye Bang David tolong buka kemitraan, pasti banyak banget yang mau beli! Gue pun kalo punye duit mah, gue beli tuh, gue buka di Serang karena sekarang gue lebih banyak diem di sono wkwk.

Segitu dulu ulasan Es Kopi Yahud dari Cap Roti Buaya. BUKAN ENDORSE. Murni diulas karena ini salah satu kopi favorit gue. NO PEREZZZ (cz of i'm a fan of David, bukan berarti gue kagak objektif!). Cobain aje langsung kalo kagak percaye yeee! 

Skor: 9/10