Kucing Sebaiknya Dikandangin Atau Dilepas Aje, Sih ?

Si Cemong kok dikandangin?

Ini adalah salah satu pertanyaan yang sering dilontarkan oleh para Bucing alias Budak Kucing, terutama yang masih newbie. 

Sepengalaman gue mah, kucing tuh kalo dikandangin pasti ada aje yang berisik. Ada tuh di rumah, seekor jantan oren barbar bernama Buye, yang tiap ditaro di kandang, pasti berisik bangetttttt! Udeh berisik, terus mondar mandir mulu di dalem kandang. Bisa semaleman berisik di dalem kandang, kagak ada capeknye.

Kenape kucing berisik kalo dikandangin?

Tentu aje berisik (sebagai tanda protes mereka), karena sebagai makhluk hidup yang dikenal aktif, kucing jadi kagak bisa bergerak bebas, lelompatan, ke sono-sini, jumpalitan ape lah gitu. Macem kite aje kalo di dalem rumah muluk mah, bosen kan? Ape lagi di tengah pandemi kayak gini, minimal bisa jalan ke minimarket, sapa tetangga, atau olahraga di taman komplek.

Apakah kalo punye kucing, kite kudu punye kandang? 

Nah, jawabannye tergantung kondisi Pawparents yang mengasuh.

Kalo misalnye kalian tinggal di satu rumah yang terdiri dari beberape ruangan, memiliki kandang bukan lah suatu kewajiban. Toh kalo kucingnye kenape-nape, bisa ditaro di salah satu ruangan (misal kucing A ditaro di kamar karena sakit, biar kagak nularin ke kucing B di rumah).

Yang paling penting sih, kucing yang dimiliki udeh disteril yak, sebaeknye sih sebelom kucing mengalami masa birahi.

Mengapa? Nah, ini gue contohin aje. Rumah ortu gue sebenernye lumayan gede, kira-kira bangunannye 300 m2. Mengingat belom bikin ruangan khusus kucing, alhasil mereka beli kandang kucing yang gede gitu, beli di ACE.

Buye dan Cemong, tiduran aje sembari pelukan wkwk

Kenape butuh kandang, kan kucing bisa ditaro di kamar? Atau dibebasin di dalem rumah? Iyes, bener banget. Namun, saat itu jantan-jantan gue belom disteril. Sehingga di masa birahi, mereka melakukan tindakan spraying alias kencingin banyak spot di dalem rumah (biasanye terjadi pade kucing jantan). Kulkas dikencingin. Bangku dikencingin. Karpet dikencingin. Bahkan tas gue 2x dikencingin. Ngeselin, kan? Kalo ditaro di kamar, mane bisa tidur nyenyak jadinye!

Belom lagi mereka akan berupaya untuk bisa kabur dari rumah. Beberape kali para jantan berusaha kabur dengan memanjat pohon di belakang rumah. Yang lebih sering kabur-kaburan tuh si Buye. Walaupun memang dapat dipastikan akan selalu balik sendiri ke rumah, tapi tetep aje keluarga khawatir dengan Buye. Paling takut kalo Buye pulang-pulang terluka akibat berkelahi demi mendapatkan betina. Ketularan virus dari kucing liar. Ketabrak mobil. Atau dicolong orang (mengingat si Buye nih tipe mixdom dan ras ini jarang ditemuin di wilayah rumah).

Karena ogah ribet dengan tindakan spraying dan kabur-kaburan, alhasil kucing pun dikandangin, walaupun akan berujung mereka protes. Dikeluarin cuma pas mau makan doang. Atau dirasa birahinye berkurang (ditandai dengan berisiknye berkurang).

Kalo udeh cape drama, pasti tidur nih si Buye.

Kalo mau aman dan nyaman memelihara kucing, ada baeknye emang kucing yang dirawat udeh disteril. Jadi, dilepasin di dalem rumah pun kagak bakal ada masalah. Malah bagus karena mereka bisa selalu aktif sehingga akan selalu sehat sentosa.

Oh ya, saat tulisan ini diposting, Buye udeh disteril, yak. Jadi, sekarang Buye kagak nakal lagi. Soal steril kucing akan gue ceritain di tulisan berikutnye.

Tinggal si jantan Cemong yang belom disteril, karena masih sakit huhu.

Bagaimana jika kasusnye, si Pawparents hanyalah seorang anak kost? Apakah boleh si kucing dibiarkan di dalem kamar kost? Atau sebaiknye dikandangin aje?

Yang paling terpenting, si kucing udeh disteril aje, sih. Pokonye kalo udeh usia 6-7 bulan harus udeh steril, yak. Terpikirkan kagak sih, begitu menjijikannye kalo kamar kost (yang biasanye kagak gede-gede amat) terasa bau kencing akibat perilaku spraying? Pasti akan lebih berasa banget baunye.

Dikandangin? Mau taro di mane? Di dalem kamar kost, bikin sempit. Di luar kamar, entar dicolong orang atau disambit kucing yang lewat....

Yang penting:

1. Ada tempat tidur si kucing (beli di e-commerce, banyak yang murce). Soalnye ada yang bilang kalo bobo sekasur ame kucing ntu kagak direkomendasi dengan alasan kesehatan.

Kelakuan Buye kalo ke kamar, pasti bobo di karpet.

2. Beli litter box yang tertutup, biar bau eek/pipis si kucing kagak tercium banget di dalem kamar. Emang sih rada mahal dibanding cuma pake baskom doang. Ya, bebaslah, asal tau risikonye yak.

3. Udara kamar yang kagak terlalu panas/dingin. Kalo kepanasan, takut bulunye rontok banyak. Kalo kedinginan, bisa-bisa flu. Ribet dah entar kalo si kucing sakit.

4. Amankan benda-benda yang mudah dijangkau kucing. Kalo bisa, barang pecah belah, barang-barang tajam, semprotan nyamuk, perintilan kebersihan (detergen, sabun, karbol, dst), skincare, makanan, ditaroin ke dalem tempat penyimpanan tertutup yang kagak bisa dijangkau si anabul kesayangan. Sehingga, kalopun ditinggal pergi bentaran (kurang dari 24 jam), yaudeh aman aje. Anyway, ini berlaku juge untuk anabul yang tinggal di rumah biasa sih....

Gue sempet dengerin cerite orang di Youtube, kalo kamar kostnye kagak gede, lebih baek pelihara kucing yang tipikalnye mageran, semisal ras Persia Peaknose (yang pesek ntu lhooo). Kalo kucing domestik atau kampung, biasanye mah aktif banget. Tapi kalo udeh disteril, biasanye lebih kalem.

Dan harus tau diri juge ye, kalo masih ngekost mah mending pelihara 1 ekor kucing aje. Pastiin juge dibolehin ame empunya kost. 

Si Cemong dengan mata juteknye!!!!

JADI, KUCING DIKANDANGIN ATAU DILEPASIN DI DALEM RUMAH, NIH?

Yaaa kalo berdasarkan pengalaman gue di atas, harusnye kalian bisa dapetin jawabannye.

Saran gue laennye: sebaeknye pelihara kucing secara indoor. Jangan dibiarin keluar secara bebas. Kecuali si anabul keluar bareng kalian (kalo bisa dipakein tali khusus kucing, biar mereka kagak kabur!).